တာချီလိတ် အောက်တိုဘာ
၎
ရှမ်းပြည်နယ်(အရှေ့ပိုင်း)တာချီလိတ်မြို့နယ်စည်ပင်သာယာရေးကော်မတီမှဦးဆောင်၍ ကြက်ခြေနီ တပ်ဖွဲ့၊ ရွှေတာချီခရီးသွားလုပ်ငန်း နှင့် ပညာရေးဌာနတို့ ပူးပေါင်းစီစဉ်မှုဖြင့် ကျောင်းသား၊ကျောင်းသူများ
သွေးလွန်တုပ်ကွေး ရောဂါ
ဖြစ်ပွားမှု မရှိစေရေးအတွက် ခြင်ဆေးဖျန်းခြင်းကို
ယနေ့ စက်တင်ဘာ ၄ ရက်၊ နံနက် ၇ နာရီခွဲက တာချီလိတ် အခြေခံပညာအထက်တန်းကျောင်းတွင်
ဆောင်ရွက်ကြောင်းသိရသည်။
အဆိုပါ ခြင်ဆေးဖျန်းခြင်းလုပ်ငန်းများဆောင်ရွက်ရာတွင် မြို့နယ်စည်ပင်သာယာရေးကော်မတီ
ဥက္ကဋ္ဌ ဦးစိုင်းကျော်ဇံ၊ အတွင်းရေးမှူး ဦးကျော်ဇင်၊ အင်ဂျင်နီယာမှူး ဦးလှမျိုး၊
မြို့နယ်စည်ပင်သာ ယာရေးကော်မတီမှ အဖွဲ့ဝင်များ၊
ခရိုင်ကြက်ခြေနီတပ်ဖွဲ့မှခရိုင်ဦးစီးမှူး (ဒုတိယတန်း) ဦးဘမိုးမြင့် နှင့် တပ်ဖွဲ့ဝင်များ၊
မြို့နယ်ပညာရေးမှူး ဦးစိန်ထွန်းလှ ၊ ကျောင်းအုပ်ဆရာကြီး ဦးလှဝင်း နှင့် ကျောင်းဆရာ၊
ဆရာမများ၊ ရွှေတာချီခရီးသွားလုပ်ငန်း ဥက္ကဋ္ဌ နှင့် အဖွဲ့ဝင်များက ကြီးကြပ် ပူးပေါင်းပါဝင် ဆောင်ရွက်ပေး
သည်။
ထိုမှတဆင့် နံနက် ၉ နာရီခွဲတွင် ပုန်းထွန် အခြေခံပညာအထက်တန်းကျောင်းခွဲ၌ ခြင်ဆေး ဖျန်းပေးခြင်းကို ဆက်လက်ဆောင်ရွက်ပေးရာ ကျောင်းအုပ်ဆရာမကြီး ဒေါ်တင်ဌေးရီ နှင့် ဆရာ၊ ဆရာမ များက ပူးပေါင်းပါဝင်
ကူညီ ဆောင်ရွက်ပေးကြောင်းသိရသည်။
ဝေယံလင်း
