တာချီလိတ် အောက်တိုဘာ ၂၀
၂၀၁၅ခုနှစ်၊ နိုဝင်ဘာ ၈ ရက်နေ့တွင်
ကျင်းပပြုလုပ်မည့် အထွေထွေရွေးကောက်ပွဲ အောင်မြင်စွာ
ကျင်းပနိုင်ရေးအတွက် ရွေးကောက်ပွဲဆိုင်ရာလုပ်ငန်းစဉ်များတွင် မြန်မာနိုင်ငံရဲတပ်ဖွဲ့ဝင်များနှင့် ပူးပေါင်း၍ လုံခြုံရေးဆိုင်ရာ လုပ်ငန်းများဆောင်ရွက်ရန် အထူးရဲများ၏ လုပ်ငန်းခွင်သင်တန်းကို အောက်တိုဘာ ၂၀ ရက်၊ နံနက် ၈ နာရီ က တာချီလိတ်ခရိုင်ရဲတပ်ဖွဲ့မှူးရုံး၊ အစည်းအဝေးခန်းမ ၌ ကျင်းပကြောင်းသိရသည်။
ရှေးဦးစွာ ခရိုင်ရဲတပ်ဖွဲ့မှူး ဒုတိယရဲမှူးကြီး လှမင်း က သင်တန်းအဖွင့်အမှာစကား ပြောကြား ရာတွင် ပြည်ထဲရေးဝန်ကြီးဌာန၏ ကြီးကြပ်ကွပ်ကဲမှုဖြင့် မြန်မာနိုင်ငံရဲတပ်ဖွဲ့က လုံခြုံရေးတာဝန်ကို ဆောင်ရွက်ရာ၌ လိုအပ် ချက်အရ အထူးရဲတပ်ဖွဲ့ဝင်များအဖြစ် ခန့်အပ်တာဝန်ပေးသွားမှာဖြစ်ကြောင်း၊ ရဲတပ်ဖွဲ့ဝင်များနည်းတူ လစာ၊ ရိက္ခာ၊ အကျိုးခံစားခွင့်ရရှိမည်ဖြစ်ကြောင်း၊ သင်တန်းဖွင့်လှစ်ရခြင်းရည်ရွယ်ချက်များနှင့်အညီ စိတ်ဝင်စားစွာ လေ့လာသင် ယူကြရန်လိုကြောင်း၊ တာဝန်ထမ်းဆောင်မည့်ကာလအတွင်းတာဝန်ကျေပွန်သည့်ရဲတပ်ဖွဲ့ဝင်ကောင်းများဖြစ်အောင် အထူးအလေးထား ဆောင်ရွက်ကြရန် ပြောကြားသည်။
အဆိုပါသင်တန်းတွင် ရွေးကောက်ပွဲ ကာလအတွင်း အထူးရဲများ၏ တာဝန်နှင့်ဝတ္တရားများ၊ ရွေးကောက် ပွဲဆိုင်ရာသိမှတ်ဖွယ်ရာများ၊ လက်နက်မဲ့စစ်ရေးပြ၊ ရဲကျင့်ဝတ်၊ လူ့အခွင့်အရေး၊ ရွေးကောက်ပွဲဆိုင်ရာဥပဒေများ၊ သတင်းမီဒီယာကျင့်ဝတ်၊ ပြစ်မှုအမျိုးအစား၊ ပြစ်မှုဆိုင်ရာဥပဒေနှင့် လုပ်ထုံးလုပ်နည်းများ ၊ ပြည်သူလူထု ပူးပေါင်း ပါဝင်သော ရဲလုပ်ငန်းစနစ်ဘာသာရပ်များကို သင်ကြားပို့ချသွားမည်ဖြစ်ပြီး၊ သင်တန်းအား အောက်တိုဘာ၂၀ရက်မှ ၃၁ ရက်နေ့အထိဖွင့်လှစ်ကာ အထူးရဲ (၅၈)ဦး တက်ရောက်သွားမည်ဖြစ်ကြောင်း သိရသည်။
ဝေယံလင်း
