တာချီလိတ် အောက်တိုဘာ
၂၁
ပြည်ထောင်စုရွေးကောက်ပွဲကော်မရှင် အဖွဲ့ဝင်၊
ရှမ်းပြည်နယ်တာဝန်ခံ ဦးစိုင်းနွံတောင်း သည် ၂၀၁၅ခုနှစ် နိုဝင်ဘာလ ၈ ရက်နေ့တွင် ကျင်းပပြုလုပ်မည့်
အထွေထွေရွေးကောက်ပွဲ အောင်မြင်စွာကျင်းပနိုင်ရေးအတွက်ခရိုင် ၊ မြို့နယ်ရွေးကောက်ပွဲကော်မရှင်အဖွဲ့ခွဲများ
၊ နိုင်ငံရေးပါတီများနှင့် တွေ့ဆုံညှိနှိုင်းပွဲကို အောက်တိုဘာ ၂၁ ရက် ၊
နံနက် ၁၀ နာရီ က တာချီလိတ်ခရိုင်အထွေထွေအုပ်ချုပ်ရေးဦးစီးဌာန၊
အစည်းအဝေးခန်းမ၌ ကျင်းပပြုလုပ်သည်။
အစီအစဉ်အရ ပြည်ထောင်စုရွေးကောက်ပွဲကော်မရှင် အဖွဲ့ဝင် ဦးစိုင်းနွံတောင်း က အဖွင့်အမှာစကား
ပြောကြားရာတွင် အထွေထွေရွေးကောက်ပွဲအား အေးချမ်းတည်ငြိမ်ပြီး၊ လွတ်လပ်တရားမျှတ၍ ပွင့်လင်းမြင်သာမှု ရှိရန် လိုအပ်ကြောင်း၊ ကော်မရှင်အဆင့်ဆင့်အနေဖြင့် ပြည်သူများက
ကိုယ်စားလှယ်လောင်းများအား ရွေးချယ်
ရာတွင် အရည်အချင်းရှိပြီး မျှတမှုရှိသည့် ခေါင်းဆောင်ကောင်းများ ဥပဒေ နှင့်အညီ
ရွေးချယ်နိုင်ရေးကို ဆောင် ရွက်ပေးရန်
လိုအပ်မည်ဖြစ်ကြောင်း၊ လွှတ်တော်အသီးသီး၏ ရွေးကောက်ပွဲ ဥပဒေအခန်း(၁၃)ရွေးကောက်ပွဲဆိုင်ရာ
ပြစ်မှုများ ၊ ပြစ်ဒဏ်များ၊ အခန်း(၁၄)တရားမဲ့ပြုကျင့်မှုများကို
လေ့လာ၍
ဥပဒေ၊ စည်းမျဉ်း၊ ကျင့်ဝတ်များ သိရှိ နားလည်ပြီး ဥပဒေ အကာအကွယ်
ရယူရန် နှင့် ဆောင်ရန်၊ ရှောင်ရန်များကို လေးစားလိုက်နာဆောင်ရွက်
သွား ကြရန် အကျယ်တ၀င့် ရှင်းလင်း ပြောကြားသည်။
ထို့နောက် ရှမ်းပြည်နယ်(အရှေ့ပိုင်း)ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ ဦးစိုင်းလုံးရှဲန် က ကြိုတင်မဲ
ဆိုင်ရာများ၊ ကော်မရှင်အဖွဲ့ခွဲအဆင့်ဆင့်၏ လုပ်ငန်းစဉ်များကိုလည်းကောင်း ၊ ခရိုင်ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ
ဦးကြည်ဝင်းမောင် က လွတ်လပ်၍ တရားမျှတသည့် ရွေးကောက်ပွဲဖြစ်ရေး စီစဉ်ဆောင်ရွက်ထားရှိမှု
အခြေအနေများ၊ မဲရုံမှူး ၊ ဒုမဲရုံမှူး နှင့် မဲရုံအဖွဲ့ဝင်များ၏ လုပ်ငန်းတာဝန်များ
ဆင့်ပွားသင်တန်းဖွင့်လှစ်ဆောင်ရွက် နိုင်မှု၊
မဲရုံလုံခြုံရေးစီစဉ်ထားရှိမှု နှင့် မဲရုံများအား
ဆက်သွယ်ရေး စီစဉ်ဆောင်ရွက်ထားရှိမှု အခြေအနေများကို လည်းကောင်း၊ အဖွဲ့ဝင် ခရိုင်ဥပဒေအရာရှိ
ဦးရဲမြင့် က မဲရုံပရုဝုဏ်သတ်မှတ်ခြင်းဆိုင်ရာများ၊
ရွေးကောက်ပွဲစောင့် ကြည့်လေ့လာသူများ၏ လုပ်ငန်းစဉ်များကိုလည်းကောင်း ၊ မြို့နယ်ရွေးကောက်ပွဲကော်မရှင်အဖွဲ့ခွဲ
ဥက္ကဋ္ဌဦးထိန်မင်း က မဲဆန္ဒရှင်စာရင်း ကြေညာထားရှိမှု၊ မဲရုံမှူးများအား ဆင့်ပွားသင့်တန်းဖွင့်လှစ်နိုင်မှုနှင့်
မဲရုံအဖွဲ့ဝင်များ၏ လုပ်ငန်း တာဝန်များအား သင်တန်းဆက်လက်ဖွင့်လှစ်မည့်အစီအစဉ်များ၊ မဲလက်မှတ်နှင့် မဲရုံသုံးပစ္စည်းများစီစဉ်ထား ရှိမှု၊ ကြိုတင်မဲထုတ်ပေးမည့်အစီအစဉ်များနှင့် ဖြည့်ဆည်းဆောင်ရွက်ပေးရန်
လုပ်ငန်းလိုအပ်ချက်များကိုလည်းကောင်း ရှင်းလင်းတင်ပြသည်။
ယင်းနောက် တက်ရောက်လာသည့် ကော်မရှင်အဖွဲ့ဝင်များ နှင့် နိုင်ငံရေးပါတီများ က ဆောင်ရွက်ပေး ရမည့်လုပ်ငန်းများအား ဆွေးနွေးတင်ပြရာ ၊ ပြည်ထောင်စုရွေးကောက်ပွဲကော်မရှင် အဖွဲ့ဝင် က ပေါင်းစပ်ညှိနှိုင်း ဆောင်ရွက်ပေးခဲ့ကြောင်းသိရသည်။
ဝေယံလင်း(iprd)
